UJI ËSHTË JETË

[Java e Rinisë 2005][ANALIZA E MAKROZOOBENTOSIT E LUMIT LLAP][Mundemi edhe ndryshe][Ç’ka di unë për mjedisin ][Në podujevë u shënua Dita Ndërkombëtare e Ujit][Fontana simbolizon Tokën ][Biologu i vitit 2007][Kosova në Bashkimin Evropian ][Trajnim për Kampistët ][Një qendër qyteti më të pastër][UJI ËSHTË JETË ][T'i ruajmë mushkëritë e qytetit][Dita e Bashkimit Evropian 2008 ][LARGOJE SHPREHINË E NDOTJES][EJA N'EVROPË][KËRKIMI I ERIONIT][Prashitja e fidanëve dhe luleve në Parkun e Paqes][Pastrimi i Parkut të Paqes ][Kërkimi i Erionit për herën e II-të][MEMORANDUM BASHKËPUNIMI][Ngritja e kapaciteteve të Organizatës ]

Titulli i Projektit :UJI ËSHTË JETË

Data e realizimit : më 21.03.2008

Me rastin e ditës ndërkombëtare të ujit, 22 mars 2008 Organizata Joqeveritare EKOVIZIONI organizoi aksion për pastrimin e brigjeve dhe shtratit të lumit Llap dhe vendosi një reklamë në qendrën e qytetit të Podujevës me sloganin e aktivitetit “UJI ËSHTË JETË” (shih foto). Kjo ditë u realizua në bashkëpunim me Asociacionin për Kulturë Edukim dhe Arsim (AKEA), Kompaninë për menaxhimin e mbeturinave “Pastrimi”, Trupat e Mbrojtjes së Kosovës ( TMK ), Kuvendin Rinor të Podujevës si dhe me Kuvendin Komunal të Podujevës .

Qëllimi i këtij aktiviteti ishte :

Pastrimi i shtratit të lumit Llap
vetëdijen e qytetarëve dhe i institucioneve për rënësin e pastërtisë të ujit të lumit dhe ambientit për rreth lumit

Aksioni filloi në ora 14:00 dhe përfundoi në ora 17:00.

Në aktivitet morën pjesë 50 persona, aktivitetin e përshëndeten me prezencën e tyre kryetari i Komunës së Podujevës zotëri Ilaz Pireva , drejtori i drejtorisë për urbanizëm dhe ambient Ismail Abdullahu ,menaxheri i njësisë të kompanisë për menaxhimin e mbeturinave në Podujevë Shaban Imeri .

Këtë aktivitet e ndihmoj fabrika e lëngjeve “ DONA” me 105 lëngje të 250

mililitrave.

Në vazhdim po e japim informatën që e bëri Kuvendi Komunal i Podujevës në

Ueb faqen e tij www.podujeva-komuna.org

Kryetari i komunës Ilaz Pireva në shoqërim të drejtorit për urbanizëm, planifikim dhe mbrojtje të mjedisit Ismail Abdullahu, sot vizitan të rinjtë e Podujevës që po pastronin brigjet e lumit Llap, me rastin e Ditës Ndërkombëtare të Ujit 22 marsit. Me rastin e Pashkëve, Kisha Protestante e Kosovës organizoi aksionin për pastrimin e ambientit në zonën kufitare te Porta 3 në Merdar të prirë nga OJQ “Team Kosova” dhe Kisha e Prishtinës “Bashkësia e Popullit të Zotit”. Uji është jetë

Ekologu Rizah Muqolli që udhëheqë OJQ “Ekovizioni” e njoftoi kryetarin Pireva për aksionin në të cilin merrnin pjesë rreth 50 të rinjë, pjestarë të TMK-së të Zonës së V-të, kompania për menaxhimin e mbeturinave “Pastrimi”, etj. Ai tha se qëllimi është që të pastrohen brigjet e lumit Llap që duhet të jenë të pastra dhe atraktive për shumë të rinj dhe qytetarë që frekuentojnë në parkun e qytetit. Muçolli tha se mbeturinat po shëmtojnë pamjen e qytetit dhe sidomos qendrën e cila duhet të pastrohet dhe mirëmbahet në mënyrë institucionale. Ai kërkoi nga kryetari Pireva që të zbatohen rregulloret të cilat i ka miratuar Kuvendi lidhur me mirëmbajtjen e ambientit dhe menaxhimin e mbeturinave. Ndërsa udhëheqësi i Asociacionit për Kulturë, Edukim dhe Arsim (AKEA) Besim Gashi tha se të rinjtë në bashkëpunim me TMK-në dhe komunën do të bëjnë pastrimin e brigjeve të lumit Llap përgjatë qendrës së qytetit, ndërsa aksioni është organizuar me rastin e 22 Marsit, Ditës Ndërkombëtare të Ujit. Kryetari i komunës Ilaz Pireva falënderoi të rinjtë llapjanë, Zonën e V-të TMK, OJQ-të dhe qytetarët për aksionin për pastrim në Ditën e Parë të stinës së pranverës. Pireva ka falënderuar edhe OJQ “Team Kosova” dhe Kishën Protestante të Prishtinës për pastrimin e ambientit në pikën kufitare të Merdarit.

Kisha Protestante Engjëllore e Kosovës organizoi sot aksionin për pastrimin e ambientit në pjesën kufitare te Porta 3 në Merdar. Sipas anëtares së Kishës “Bashkësia e popullit të Zotit” znj. Leonora Kurti, aksioni po mbahet me moton të jesh për ambient të pastër. Mirëpo aktivitetet me rastin e Pashkëve do të zgjasin një javë. Kurti deklaroi se veprimtaritë kanë filluar me pastrimin e oborrit të QKUK, pastaj në Tetarin “Dodona” është shfaqur pjesë teatrale për fëmijët e dëshmorëve, ku edhe janë dhuruar dhurata të ndryshme, ndërkaq që në Shtëpinë e Pleqve në Prishtinë është shtruar darkë për këtë kategori. Leonora Kurti njoftoi se aksionit një javor i janë bashkuar shumë vullnetarë të moshave të ndryshme, përfshirë të rinj e të reja dhe gra e burra. “Qëllimi i aksionit është që të jemi sa më afër me njerëzit të cilët kanë nevojë dhe ne përpiqemi tua bëjmë ambientin e pastër për jetë më të shëndoshë”, ka deklaruar Kurti. Udhëheqësi i OJQ “Team Kosova” John Chesnut ka falënderuar komunën e Podujevës dhe kryetarin Pireva për mbështetje teknike për sigurimin e kamionit vetëngarkues të mbeturinave. “Është zgjedhur kjo pjesë e Podujevës për t’u pastruar nga mbeturinat sepse shteti i ri duhet të ketë pamje të pastër që në hyrje, në këtë rast kufiri në Merdar”, ka deklaruar Chesnut. Habil Sylejmani nga SHPK e kufirit tha se me kënaqësi kanë lejuar këtë aktivitet për pastrim sepse në këtë pikë të kufirit të Republikës së Kosovës. Jeta po zhvillohet normalisht, sikur edh qarkullimi i lirë i njerëzve dhe automjeteve. Sipas z. Sulejmani, organizatori ka kërkuar edhe mbjelljen e pishave, por në një kohë më të përshtatshme.

Drejtori i Urbanizmit, Planifikimit dhe Mbrojtjes së Mjedisit Ismail Abdullahu ka përshëndetur nismën e të rinjve për pastrimin e ambientit dhe tha se institucionet komunale do të bëjnë përpjekje të pandalshme për ruajtjen e ambientit dhe zbatimin e rregulloreve që rregullojnë materien e menaxhimit të mbeturinave në qytet dhe fshatra.

Postuar me datë:26-03-2008