T'i ruajmë mushkëritë e qytetit

[Java e Rinisë 2005][ANALIZA E MAKROZOOBENTOSIT E LUMIT LLAP][Mundemi edhe ndryshe][Ç’ka di unë për mjedisin ][Në podujevë u shënua Dita Ndërkombëtare e Ujit][Fontana simbolizon Tokën ][Biologu i vitit 2007][Kosova në Bashkimin Evropian ][Trajnim për Kampistët ][Një qendër qyteti më të pastër][UJI ËSHTË JETË ][T'i ruajmë mushkëritë e qytetit][Dita e Bashkimit Evropian 2008 ][LARGOJE SHPREHINË E NDOTJES][EJA N'EVROPË][KËRKIMI I ERIONIT][Prashitja e fidanëve dhe luleve në Parkun e Paqes][Pastrimi i Parkut të Paqes ][Kërkimi i Erionit për herën e II-të][MEMORANDUM BASHKËPUNIMI][Ngritja e kapaciteteve të Organizatës ]

Emri i Projektit : T’I RUAJMË MUSHKËRITË E QYTETIT

Data e realizimit më 22.04.2008

Organizata Joqeveritare “ EKOVIZIONI ” për shënimin e ditës ndërkombëtare të planetit të Tokës ka organizuar një aksion pastrimi në Parkun e Paqes të Mançesterit në qytetin e Podujevës dhe një performancë artistike ku janë pikturuar disa piktura ne dërrasa të cilat janë vendosur në drunjtët e parkut të cilat përmbajnë mesazhe për ruajtjen e parkut dhe ne përgjithësi të Tokës ku do të qëndrojnë një kohë të gjatë aty.Ky aktivitet kishte një rëndësi të veçantë për arsye se atë ditë ishin prezent edhe ideatorët dhe ndërtuesit e Parkut të Paqes Organizata e miqve nga Mançesteri “Manchester Aid to Kosovo”( MAK) të cilët edhe në këtë ditë punojëshin në ndërtimin e më tejmë të Parkut .

Aktivitetin e kanë përshëndetur me prezencën e tyre kryetari i komunës të Podujevës Ilaz Pireva me drejtoret e drejtorive si : drejtori i drejtorisë për urbanizëm dhe mjedis z. Ismail Abdullahu, drejtori i drejtorisë se financave z Musa Islami , ushtruesi i detyrës të administratës z.Mehmet Gashi e shumë zyrtar te Komunës të Podujevës . Ky aktivitet do të njihet si aktiviteti i parë në qytetin tonë që i sjell kabinetin e ministrit të Ministrisë së Mjedisit dhe Planifikimit Hapsinor , të pranishëm ishin zëvendësministri Mr. Emin Krasniqi me këshilltaret e ministrisë dhe disa aktivist te ministrisë te cilët e përshëndeten aktivitetin .

Këtë aktivitet e kanë financuar Komuna e Podujevës me 349.00 euro si dhe OSCE me

70 pije dhe çipsa për pjesëmarrësit.

Në këtë aktivitet kanë marrë pjesë mbi 60 pjesëtarë si nga OJQ “EKOVIZIONI” , nga kompania për menaxhimin e mbeturinave “PASTRIMI” , nxënës si dhe qytetar të tjerë.

Aktiviteti ka filluar në ora 13:00 dhe ka përfunduar në ora 16:00

Në vazhdim po e japim si e pasqyroj Komuna në ueb faqen e saj këtë aktivitet

www.podujeva-komuna.org

Në komunën e Podujevës Dita e Tokës po shënohet me një sërë aktivitetesh në pastrimin dhe gjelbërimin e ambienteve publike. Ishte kënaqësi e veçantë se kjo ditë shënohej për herë të parë në Kosovën e pavarur, prandaj edhe shihej një intensitet shumë më i shtuar i aktiviteteve në krahasim me vitet e kaluara.

Me këtë rast shpresojmë se qytetarët po vetëdijesohen në ruajtjen, pastrimin dhe gjelbërimin e ambienteve. Dita ditës kjo po vërehet edhe nëpër oborret e shtëpive.

Komuna e Podujevës këto aktivitete i ka koordinuar paraprakisht me OJQ “ Ekovizioni”, AKEA, OSBE, Ndërmarrja Publike “ Pastrimi”, nxënës të shkollave fillore dhe të mesme si dhe me qytetarë dhe iniciativa vullnetare.

AKEA në shenjë respekti për ditën e tokës ka organizuar aksion një javorë të quajtur “Java Ekologjike” për pastrimin dhe gjelbërimin e ambienteve publike. Përgjegjësi i projektit për këtë aktivitete Besim Arbanashi tha se, dje në qendër të qytetit kemi vendosur Banderolën për vetëdijesimin e qytetarëve me moton “Jeta e shëndetshme vetëm në ambient të pastër”. Ndërsa sot jemi duke punuar në Parkun e Qytetit për të pastruar këtë zonë për të mbjellë fidane halore, trëndafila dhe lule të ndryshme. Përpos kësaj jemi duke i lyer me bojë ulëset e parkut si dhe duke i lyer me gëlqere trungjet e drurëve në park. Kryetari i AKEA-së Besim Gashi tha se nesër në bashkëpunim me personelin e Qendrës Kryesore të Mjekësisë Familjare do ta bëjmë edhe pastrimin e oborrit të këtij institucioni mjekësor. Ndërsa prej të enjtes deri të dielën do të punohet në rregullimin e sheshit afër Postës së qytetit. Aty do të saldohen zinxhirët e këputur të rrethojave, do të mbillet bari i gjelbër lule të ndryshme si dhe fidanë halor. Përpos kësaj të dielën do të pastrohen edhe varrezat e qytetit (te hekurudha)

Përgjegjësi i këtij projekti na informoi se gjithsej do të mbillen 30 fidan halor, 40 fije trëndafila si dhe një sasi e luleve të ndryshme. Në këtë aktivitet janë duke u angazhuar mbi 30 aktivistë të kësaj organizate. Ky projekt kapë shumën prej 700-800 euro, në financimin e këtij projekti kontribut të çmuar kanë dhënë subjektet afariste që gravitojnë në rrugën kryesore të qytetit.

OJQ “Ekovizioni” edhe kësaj here po kontribuon në shënimin e kësaj dite. Riza Muçolli kryetar i kësaj shoqate na tha se në këtë aktivitet po marrin pjesë 60 aktivistë dhe nxënës. Ne jemi duke pastruar dhe gjelbëruar Parkun e Paqes. Për pos kësaj do ta japim edhe një performancë artistike duke pikturuar me motive “Ta ruajmë dhe gjelbërojmë ambientin.” Pjesët e gjelbëruara janë “mushkëri” të ambientit që na rrethon, informoi më tej z. Muçolli, i cili ndihej i entuziazmuar për punën që po bëhej gjithandej.

Shkolla fillore “Drita” në Majac kishte organizuar një sërë aktivitetesh në lidhje me këtë Ditë të shënuar. Ata kanë pastruar oborrin e shkollës si dhe rrugën prej tri kilometra Majanc-Lupç. Ahmet Gashi drejtor i kësaj shkolle u përkujtoi të pranishmëve që kishin ardhur për ta shënuar këtë ditë për historikun e kësaj dite të shënuar.

Për të shënuar Ditën Ndërkombëtare të Planetit të Tokës, Ekipi Komunal i OSBE-së në bashkëpunim me Komunën, Grupin e te Rinjve për të Drejtat e Njeriut, Kuvendin Rinor, Forumi Komunal i fëmijëve për te drejtat e fëmijëve, si dhe në bashkëpunim me OJQ-të “Ekovizioni” dhe “AKEA” realizuan projektin lidhur me vetëdijesimin mbi ambientin. Ata mbollën lule nëpër vazot që janë të vendosura në qendër të qytetit, në Parkun e Qytetit dhe në shkollat e qytetit. OSBE-ja ka shpërndarë falas pije freskuese për të gjithë pjesëmarrësit në këto aktivitete.

Po ashtu përfaqësuesit tashmë të njohur për qytetarët e komunës së Podujevës nga Mançesteri i Anglisë në krye me Paul Guest, kryetar i organizatës MAK po punojnë pareshtur në rregullimin e Parkut të Paqes. Ata edhe sot ishin në vlugun e punëve, ku bënin mbjelljen e fidanëve të ndryshme, si dhe rregullimin e këtij ambienti. Kësaj here po marrin pjesë 12 aktivistë humanitarë dhe një gazetar i BBC-së në realizimin e projektit “Parku i Paqes”. Kontributi i tyre në ndihmë të qytetarëve të komunës së Podujevës është i madh.

Të gjitha këto aktivitete që u realizuan sot u vizituan nga kryetari i komunës së Podujevës Ilaz Pireva dhe zv/ministri i Ministrisë së Ambientit dhe Planifikimit Hapësinor Emin Krasniqi, të cilët përshëndetën dhe falënderuan të gjithë ata që po kontribuojnë në pastrimin dhe gjelbërimin e ambientit tonë. Kryetari Pireva ndër të tjera tha se, “për ambientin duhet të kujdesemi 365 ditë dhe jo vetëm në Ditën e Planetit të Tokës. Ne do të ndihmojmë në këtë sferë me të gjitha mundësitë tona që i kemi, sepse kjo është në interes të të gjithë qytetarëve.”

Vlen të theksohet se 22 prilli është Dita e Tokës, ngjarje globale, që filloi në vitin 1970 dhe nga shumë njerëz njihet si një ngjarje që i dha hov një lëvizjeje të re për mbrojtjen e mjedisit.

Postuar me datë:23-04-2008

[Home][Historiku][Vizioni & Misioni][Fotogaleria][Aktivitetet][Stafi][Literaturë nga Ekologjia][Botimet nga Ekovizioni][Vizitorët / Guestbook][Rrjeti rinor i Llapit][Partnerët tanë][Kontakti]

info@ekovizioni.com