LARGOJE SHPREHINË E NDOTJES

[Java e Rinisë 2005][ANALIZA E MAKROZOOBENTOSIT E LUMIT LLAP][Mundemi edhe ndryshe][Ç’ka di unë për mjedisin ][Në podujevë u shënua Dita Ndërkombëtare e Ujit][Fontana simbolizon Tokën ][Biologu i vitit 2007][Kosova në Bashkimin Evropian ][Trajnim për Kampistët ][Një qendër qyteti më të pastër][UJI ËSHTË JETË ][T'i ruajmë mushkëritë e qytetit][Dita e Bashkimit Evropian 2008 ][LARGOJE SHPREHINË E NDOTJES][EJA N'EVROPË][KËRKIMI I ERIONIT][Prashitja e fidanëve dhe luleve në Parkun e Paqes][Pastrimi i Parkut të Paqes ][Kërkimi i Erionit për herën e II-të][MEMORANDUM BASHKËPUNIMI][Ngritja e kapaciteteve të Organizatës ]

Titulli i Projektit : LARGOJE SHPREHINË ! E NDOTJES

Data e realizimit : me 5 dhe 6 qershor 2008

Organizata Joqeveritare “EKOVIZIONI” për herën e tret në qytetin e Podujevës shënon Ditën Ndërkombëtare të Mjedisit 5 qershorit. Aktivitete fillimisht kanë filluar në fshatin Letanc në bashkëpunim me nxënësit e Shkollës fillore “Hyzriu e Samiu” u organizua pastrimi i rrugëve të fshatit ku morën pjesë rreth 40 vullnetar, mbeturinat e grumbulluara i tërhoqi për në deponin e qytetit Kompania për menaxhimin e mbeturinave “ Pastrimi” kurse pran sheshit të flamurit u mbajt një ekspozitë ku nga aktivist të Ekovizionit dhe nxënës u pikturuan piktura dhe u shënuan mesazhe për ruajtjen e mjedisit të gjitha këto u punuan në asfalt ,

më pastaj aktiviteti tjetër ishte lyrja me ujë të gëlqeres të drunjve në rrugët “Zahir Pajaziti” dhe “ Ilir Konushefci “ ky aktivitet zgjati dy ditë në ditën e parë me 5 qershor këtij aktiviteti ju bashkëngjit edhe kryetari i Podujevës zotëri Ilaz Pireva ku e gëlqerosi një dru në qendrën e qytetit.

Këtë projekt e ka financuar Komuna e Podujevës me 383.00 euro dhe e ka ndihmuar Ministria e Mjedisit dhe Planifikimit Hapsinor me 100 qese të mbeturinave, 100 palë dorëza, 50 maica dhe 50 kapela. Ëmbëltorja “Kimi” i ka freskuar aktivistet dhe nxënësit me nga një akullore.

Në vazhdim po e japim si e pasqyroj Komuna në ueb faqen e saj këtë aktivitet

www.podujeva-komuna.org

Aksioni me moton “Largoje shprehinë e ndotjes”

Për nder të 5 Qershorit Ditës së Ambientit, OJQ “Ekovizioni” ka organizuar një aksion për pastrimin e ambientit. Ky aktivitet u shënua fillimisht në fshatin Letanc, ku nxënësit e kësaj shkolle kanë pastruar nga mbeturinat rrugët e këtij fshati. Ndërsa në Podujevë nga aktivistët e kësaj shoqate të prirë nga kryetari Rizah Muçolli janë lyer me ujë të gëlqeres drunjtë në qendër të qytetit. Qëllimi i kësaj lyerje ka qenë ruajtja e drunjtëve nga dëmtuesit e tyre, si dhe përmirësimi i pamjes së tyre. Përpos kësaj afër Sheshit të Flamurit u organizua një ekspozitë duke pikturuar dhe shkruar mesazhe për mbrojtjen e ambientit mbi sipërfaqen e asfaltit. Ky aksion u mbajt me moton “Largoje shprehinë e ndotjes”

Ishte një kënaqësi e veçantë që këtij aksioni iu bashkëngjit edhe kryetari i komunës së Podujevës Ilaz Pireva. Ai ka lyer me gëlqere drunjtë dhe ka shkruar mbi asfalt KOSOVA REPUBLIKË, duke u thënë fëmijëve se “sot kur po festojmë Ditën Ndërkombëtare të Ambientit mund të shkruajmë lirshëm KOSOVA REPUBLIKË. Fëmijë të dashur është një fat i madh se tash po jetojmë në Kosovën e pavarur dhe sovrane. Ju po kontribuoni në pastrimin dhe zbukurimin e ambientit. Prandaj jeta, mësimi, loja dhe puna e juaj po bëhet në liri të plotë. Ju jeni të sigurt dhe nuk guxon askush tua prish lumturinë. Ne po punojmë pandërprerë që e ardhmja e juaj të bëhet edhe më e mirë,” tha ndër të tjera kryetari Pireva.

Ndërkaq kryetari i OJQ “Ekovizioni” z. Muçolli falënderoi kryetarin Pireva për mbështetjen financiare, morale dhe praktike që ai po bënë në fushën e mbrojtjes së ambientit. Çdo iniciativë e jona deri më tani ka gjetur mbështetjen e plotë nga Ju, tha ndër të tjera z. Muçolli.

[Home][Historiku][Vizioni & Misioni][Fotogaleria][Aktivitetet][Stafi][Literaturë nga Ekologjia][Botimet nga Ekovizioni][Vizitorët / Guestbook][Rrjeti rinor i Llapit][Partnerët tanë][Kontakti]

info@ekovizioni.com