[Java e Rinisë 2005][ANALIZA E MAKROZOOBENTOSIT E LUMIT LLAP][Mundemi edhe ndryshe][Ç’ka di unë për mjedisin ][Në podujevë u shënua Dita Ndërkombëtare e Ujit][Fontana simbolizon Tokën ][Biologu i vitit 2007][Kosova në Bashkimin Evropian ][Trajnim për Kampistët ][Një qendër qyteti më të pastër][UJI ËSHTË JETË ][T'i ruajmë mushkëritë e qytetit][Dita e Bashkimit Evropian 2008 ][LARGOJE SHPREHINË E NDOTJES][EJA N'EVROPË][KËRKIMI I ERIONIT][Prashitja e fidanëve dhe luleve në Parkun e Paqes][Pastrimi i Parkut të Paqes ][Kërkimi i Erionit për herën e II-të][MEMORANDUM BASHKËPUNIMI][Ngritja e kapaciteteve të Organizatës ]

Titulli i Projektit : Prashitja e fidanëve dhe luleve në Parkun e Paqes

Data e realizimit : 29.07.2008

Organizata Joqeveritare “ Ekovizioni” në bashkëpunim me Organizatën e miqve nga Mançesteri “Manchester Aid to Kosovo” ka bërë prashitjen , rregullimi e drunjve dekorativ dhe luleve në Parkun e Paqes .Kjo lulishte është mbjell në këtë vit nga “Manchester Aid to Kosovo” e cila ka kushtuar rreth 30.000 euro , në mbjelljen e tyre kishte kontribuar edhe Ekovizioni , me që bimët janë në vitin e parë kërkojë një kujdes më të madh .

Ekovizioni në këtë aktivitet ka marr pjesë me 10 vullnetar .

Aktiviteti ka filluar në ora 9:00 dhe ka përfunduar 13:00

Në vazhdim po e paraqesim si e pasqyroj komuna e Podujevës këtë Aktivitet

www.podujeva-komuna.org

Mikja angleze Pam Daëes me shoqatën “Ekovizioni” pastrojnë lulishten në Parkun e Paqes

Postuar me datë:30-07-2008

Parku i Paqes i Mançesterit në Podujevë, i pasuruar me mbi 30 mijë lule e drunj dekorativ në prill të këtij viti, sot ishte gjallëruar nga aktivistët e shoqatës “Ekovizioni” të cilët, të prirë nga Znj. Pam Daëes, kanë bërë pastrimin, prashitjen e luleve, drunjtëve dhe bimëve dekorative, si dhe shkuljen e barojave. Kjo lulishte është mbjellë para disa muajsh nga aktivistët e Organizatës së miqve nga Mançesteri “Manchester Aid to Kosovo” - MaK, aktivistët e shoqatës “Ekovizioni” dhe nxënës të shkollave të mesme, lulet, drunjtë dhe bimët dekorative të së cilës janë financuar nga MaK-u me një vlerë afër 30 mijë euro.

Zonja Daëes e cila ishte duke punuar në lulishte tha se ata janë të kënaqur që thuajse të gjitha bimët që i kemi mbjellë këtu janë zënë dhe janë mirë. “Kjo sa për fillim ka qenë me rëndësi për ne sepse mendojmë në fazat vijuese që në këtë lulishte të sjellim edhe lule e bimë tjera të pasuruar me materie minerale dhe të mbjellim bar dekorativ”, deklaroi Daës. Ajo premtoi se edhe rrugicat e Parkut në të ardhmen e afërt do të duken më mirë. Daëes deklaroi se njerëzit e MaK-ut ndiejnë kënaqësi që shoqata “Ekovizioni” i është bashkuar këtij aksioni për ta bërë Parkun e Paqes më të bukur dhe më të gjelbëruar. Rizah Muçolli kryetar i “Ekovizionit” deklaroi se shoqata që ai drejton edhe më herët ka ndërmarrë aksione për ta bërë ambientin më të pastër, më të bukur dhe më të gjelbëruar. “Ne edhe sot jemi duke e bërë të njëjtën gjë dhe do ta bëjmë edhe në të ardhmen. Ne si shoqatë ndihemi të kënaqur se dita ditës po vërejmë një qasje më të shtuar të popullatës llapjane në gjelbërimin e oborreve të tyre, dhe besojmë se kjo shprehi do të bartet edhe në kontributin e tyre për vendet e gjelbëruara publike”, ka deklaruar Muçolli. Ai tha se ambienti i pastër, i gjelbëruar dhe i bukur përpos që ndikon në ruajtjen e shëndetit të qytetarëve, ndikon shumë që edhe njerëzit të mendojnë dhe veprojnë vetëm pozitivisht si shkak i inspirimeve shpirtërore nga bukuria e ambientit.

Parku i Paqes dita ditës po merr pamje më të bukur dhe sipas menaxherëve nga Anglia dhe Podujeva do të duhej të mirëmbahej dhe të ruhej më mirë nga njerëzit kompetent që paguhen për atë punë si dhe nga vet qytetarët që e vizitojnë atë, sepse ky park është një pasuri e rrallë e qytetit të Podujevës, që shumë qytete të Kosovës këtë nuk e kanë.

Në Prill të këtij viti, MaK dhe “Eden Project” kanë mbjellë në Parkun e Paqes drunj dhe bimë dekorative në vlerë afër 30 mijë euro. MaK ka qenë e involvuar në shumë iniciativa promovuese për Kosovën duke inkurajuar njerëzit lokal që shëroheshin nga lufta dhe persekutimet, kurse Parku i Paqes është ide e përbashkët e miqve nga Mançesteri dhe e fëmijëve të familjes Bogujevci që i patën shpëtuar masakrës së 28 marsit 1999 dhe tashmë jetojnë në Mançester. Saranda, fatosi, Liria, Jeohna dhe Genci, të shoqëruar nga prindërit Selatini dhe Safeti, po qëndrojnë këto ditë në Kosovë, për të mbështetur vazhdimin e Parkut si dhe për të koordinuar aktivitetet me qytetarë, artistë dhe të rinj llapjan për të promovuar parkun e Paqes në dhjetëvjetorin e maskarës në familjet Bogujevci e Duriqi, që parashihet të shënohet më 28 Mars 2009.

Kryetari i komunës së Podujevës Ilaz Pireva, ka mbështetur realizimin e projektit si dhe propozimin e Znj. Pam Daëes, që të gjithë ata qytetarë, institucione, politikanë dhe organizata qeveritare e joqeveritare, të të gjitha komuniteteve, të ftohen për organizimin e madh që parashihet për ditën kur Saranda, Jehona, Fatosi, Liria dhe Genci, por edhe Enver Duriqi, humbën më të dashurit e tyre në masakrën që forcat serbe bënë në oborrin e shtëpisë së Halim Gashit nga Podujeva.

Postuar me datë:30-07-2008

[Home][Historiku][Vizioni & Misioni][Fotogaleria][Aktivitetet][Stafi][Literaturë nga Ekologjia][Botimet nga Ekovizioni][Vizitorët / Guestbook][Rrjeti rinor i Llapit][Partnerët tanë][Kontakti]

Copyright (c) 2009 "EKOVIZIONI" PODUJEVË. All Rights Reserved.

info@ekovizioni.com