Kërkimi i Erionit për herë të II-të

[Java e Rinisë 2005][ANALIZA E MAKROZOOBENTOSIT E LUMIT LLAP][Mundemi edhe ndryshe][Ç’ka di unë për mjedisin ][Në podujevë u shënua Dita Ndërkombëtare e Ujit][Fontana simbolizon Tokën ][Biologu i vitit 2007][Kosova në Bashkimin Evropian ][Trajnim për Kampistët ][Një qendër qyteti më të pastër][UJI ËSHTË JETË ][T'i ruajmë mushkëritë e qytetit][Dita e Bashkimit Evropian 2008 ][LARGOJE SHPREHINË E NDOTJES][EJA N'EVROPË][KËRKIMI I ERIONIT][Prashitja e fidanëve dhe luleve në Parkun e Paqes][Pastrimi i Parkut të Paqes ][Kërkimi i Erionit për herën e II-të][MEMORANDUM BASHKËPUNIMI][Ngritja e kapaciteteve të Organizatës ]

Titulli i Projektit : Kërkimi i Erionit për herën të II

Data e Realizimit me 06.08.2008

Organizata Joqeveritare “Ekovizioni” ju bashkëngjit aksionit vullnetar për kërkimin e vogëlushit Erion Naser Dema i humbur me 28 mars të këtij vit 2008. Aksioni u realizua nw bashkëpunim me pjesëtarët e Policisë së Kosovës (PK), zhytësit vullnetar Basri Muçolli, vullnetarëve të Kryqit të Kuq Komunal , Shërbimi i Zjarrfikësve si dhe qytetarë të 11 fshatrave nga kalon lumi llap. .

Ekovizioni ka hulumtuar në fshatin Bajçinë nga ura te shkolla e deri te ura në lagjen e Smajlovitëve . Aksioni ka filluar në ora 10:00 dhe ka përfunduar në ora 14: 00. Në këtë aksion Ekovizioni ka marr pjesë me 5 vullnetar .

Në vazhdim po e japim si e pasqyroj komuna e Podujevës këtë ngjarje në ueb faqen e saj .

www.podujeva-komuna.org

Vazhdon operacioni për kërkimin e vogëlushit Erion Dema

Operacioni i kërkimit të vogëlushit 3 vjeçar Erion Dema nga fshati Pollatë, i cili qe shtyrë për shkak të shiut që ra para disa ditësh, u zhvillua sot me pjesëmarrjen e pjesëtarëve të Policisë së Kosovës (PK), zhytësit vullnetar Basri Muçolli, vullnetarëve të Kryqit të Kuq Komunal dhe të OJQ “Ekovizioni”, Shërbimi i Zjarrfikësve si dhe qytetarë të 11 fshatrave nga kalon lumi llap.

Udhëheqësi i Zyrës së Kryetarit për raste emergjente Fatmir Gashi njoftoi se operacioni i sotëm u zhvillua me kërkesën e kryetarit të komunës Ilaz Pireva dhe nën udhëheqjen e Policisë së Kosovës. Ai tha se në aksion përveç policisë janë angazhuar edhe vullnetarë të Kryqit të Kuq të Podujevës dhe të OJQ “Ekovizioni, ndërsa kryetarët e Komiteteve të fshatrave nga kalon lumi llap i kanë organizuar grupe qytetarësh për t’u dalë në ndihmë policisë dhe organeve komunale. Koordinatori i këtij operacioni, rreshteri i PK Xhevat Rrahmani tha se aksioni i kërkimit të vogëlushit Ertion Dema ka nisur në orën 10.00 dhe pjesëmarrja e qytetarëve dhe e vullnetarëve premton hulumtimin e pikave të dyshimta në lumin llap, sidomos në fshatrat Repë, Metehi, Zakutë dhe Bajçinë. “Policia e Kosovës ka vazhduar me përkushtim operacionin për zbardhjen e fatit të këtij fëmiu dhe ekziston gatishmëri e plotë që të hulumtohet pandalshëm ky rast tronditës”, tha Rrahmani. Ai në emër të PK ka falënderuar kryetarin Pireva për iniciativat dhe mbështetjen që po i ofron në vazhdimësi policisë. Zhytësi vullnetar Basri Muçolli tha se e ndien obligim njerëzor ndaj fatit të Erionit e të familjes dhe është i gatshëm që të japë kontributin e tij sa herë kërkohet. Udhëheqësi i Kryqit të Kuq komunal Abaz Llugaliu deklaroi se vullnetarët e organizatës që ai drejton po marrin pjesë për të satën herë për të ndihmuar në gjetjen e Erionit të vogël. Gatishmërinë e vazhdimit të aksionit sot e treguan edhe vullnetarë të organizatës ambientaliste “Ekovizioni” të prirë nga profesori Rizah Muçolli. Kryetari i komunës Ilaz Pireva i ka kërkuar Kuvendit të komunës mbështetje duke drejtuar kërkesë publike organeve përgjegjëse, që të bëjnë më shumë dhe ta zbulojnë fatin e një fëmije dhe qytetari të komunës së Podujevës, por edhe të familjes Dema që jetojnë në ankth e trauma që nga 28 marsi.

Erion Naser Dema, nga Pollata e Podujevës ka humbur pa gjurmë që nga 28 marsi 2008.

Përkundër aksioneve të vazhdueshme të organeve komunale, Policisë së Kosovës, TMK-së, zhytësve të udhëhequr nga Ismajl Kosumi dhe vullnetarët Basri Muçolli e Isak Maloku, zjarrfikësve e zhytësve nga Prishtina, Prizreni, Gjakova dhe qytetarëve të Pollatës, Repës, Kërpimehut, Dobërdolit, Bajçinës, Metehisë, Zakutit, Peranit, Podujevës, Lupçit, etj. fati i fëmiut të familjes Dema mbetet edhe pas rreth 5 muajsh i panjohur për familjen dhe qytetarët e Llapit. Derisa po raportojmë, aksioni po vazhdon, por ende pa ndonjë gjurmë të vogëlushit.

[Home][Historiku][Vizioni & Misioni][Fotogaleria][Aktivitetet][Stafi][Literaturë nga Ekologjia][Botimet nga Ekovizioni][Vizitorët / Guestbook][Rrjeti rinor i Llapit][Partnerët tanë][Kontakti]

info@ekovizioni.com