Plani i Veprimit Rinor Lokal – Podujevë

2009-2013

Aktivitetet koha dhe vendi i aktiviteteve të Organizatës Joqeveritare “Ekovizioni”

- Podujevë

	Aktiviteti	Data	Vendi	Ora
1	Takimi i grupit punues për draftimin e planit të veprimit lokal	06 Nëntor 2008	Salla e Kuvendit Komunal	11:00
2	Punëtori për përpilimin e planit të veprimit lokal	13 Nëntor 2008	Salla e Kuvendit Komunal	11:00
3	Punëtori për përpilimin e planit të veprimit lokal	04 Dhjetor 2008	Salla e Kuvendit Komunal	11:00
4	Diskutimi i planit të veprimit lokal në me studentët ,me OJQ-të lokale dhe Rrjetin rinor të Llapit	02 Mars 2009	Salla e Kuvendit Komunal	11:00
5	Diskutimi i planit të veprimit lokal në gjimnaz me nxënësit	04 Mars 2009	Në gjimnazin e Podujevës	11:00
6	Diskutimi i planit të veprimit lokal me nxënësit e sh.m. ekonomike	09 Mars 2009	Në shkollën e mesme ekonomike	11:00
8	Diskutimi i planit të veprimit lokal me nxënësit e sh.m .Teknike	11 Mars 2009	Në shkollën e mesme Teknike	11:00
9	Diskutimi i planit të veprimit lokal në bashkësinë lokale në Kërpime	16 Mars 2009	Në shkollën e Kërpimehit	11:00
10	Diskutimi i planit të veprimit lokal në bashkësinë lokale në Lluzhan	18 Mars 2009	Në shkollën e Lluzhanit	11:00
11	Diskutimi i planit të veprimit lokal në bashkësinë lokale në Orllan	23 Mars 2009	Në shkollën e Orllanit	14:00
12	Punëtori për përpilimin e planit të veprimit lokal	5 Prill 2009	Salla e Kuvendit Komunal	11:00

Çfarë është PLVR- Podujevë

PLVR-ja nënkupton Planin Lokal të Veprimit për Rini të Podujevës aktivitetet që do të merren në vitet 2009-2013

Me çfarë ka të bëjë ?

Ka të bëjë me veprim, pjesëmarrje, arsimim, punësim, shëndetësi, siguri njerëzore ..... ka të bëjë me shumicën e çështjeve dhe problemeve që ju ballafaqoheni çdo ditë !

Kush e hartoi atë ?

PLVR-ja e Podujevës është një dokument i komunës së Podujevës dhe i Qeverisë së Kosovës i hartuar nga OJQ “ Ekovizioni ” në bashkëpunim me këshillat e nxënësve të shkollave të mesme dhe me disa OJQ , është financuar nga Ministria e Kulturës,Rinisë dhe Sportit, konkretisht nga Departamenti i Rinisë me 1.960,00 €

A është për mua dhe çfarë mund të presë ?

Plani Lokal i Veprimit për Rini është një strategji për të rinjtë e moshës 15-24 vjeç . Atëherë, në qoftë se jeni në këtë grup moshë PO,

PLVK-ja është për JU !

A mund të marr pjesë ?

Për realizimin e Planit, ju mund të merrni pjesë në takimet publike

Ju lutemi vizitoni ueb-sajtin tonë www.ekovizioni.com të gjitha sugjerimet i mirëpresim.

Vizioni i Rinisë dhe Misioni i PLVR

Politika Llapijane për Rini thërret që të rinjtë femra dhe meshkuj të Podujevës të jenë qytetarë aktivë, të shëndetshëm, të edukuar, që shijojnë jetë të mirë dhe kualitative, të përgatitur t’i përballojnë të gjitha sfidat e jetës si anëtarë të përgjegjshëm të komunitetit shtetëror, regjional, evropian dhe global.

Misioni i Planit Lokal të Veprimit për Rininë e Podujevës është të mbështet të rinjtë në Kosovë për të bërë realitet vizionin e tyre, duke u kujdesur për shëndetin dhe sigurinë, ofrimin e edukimit kualitativ gjithëpërfshirës, krijimin e mundësive për punë të mirë, pjesëmarrje aktive qytetare dhe mbështetje për realizim të plotë të pasioneve dhe aspiratave jetësore.

PJESMARRJA :

Të krijohen qendrat rinore në Podujevë, Orllan, Lluzhan dhe Pollat

Të promovohen dhe sigurohen mekanizma institucional për pjesëmarrjen e të rinjve në procesin e vendim-marrjes.

Të sigurohet qasje në informacione dhe transparenca e institucioneve publike për çështjet e të rinjve

Të ngritët kapaciteti i OJQ-ve dhe rrjetit rinor.

Të promovohet dhe njihet puna vullnetare e të rinjve.

Të sigurohet gjithë përfshirja e të rinjve të të gjitha komuniteteve dhe grupeve të margjinalizuara.

EDUKIMI

Shfrytëzimi I hapësirave dhe lokaleve të ndryshme për aktivitet edukative të rinjve (shkollat,Qendrat Kulturore etj.)

Organizimi i garave apo kuizëve të diturisë në lëndët mësimore qe do të nxisnin avancimin e edukimit formal dhe joformal

Përfshirja e organizatave,këshillave të nxënësve dhe rrjeteve rinore në hartimin e strategjive apo në organizimin e aktiviteteve që kanë të bëjnë me të rinjtë

Mbështetja financiare në trajnimet dhe aktivitetet edukuese të të rinjve.

Përkrahje e veçantë në aktivitetet trajnuese për shkathtësitë jetësore

Organizimi i trajnimeve vetëdijesuese për rëndësinë e shkollës dhe edukimit sidomos atyre që e kanë braktisur atë

Mbështetja e nënave të reja që për shkak të krijimit të hershëm të familjes kanë braktisur shkollën (p.sh. kujdesi për fëmijët )

Organizimi i mirëfilltë i punës praktike nëpër shkollat e mesme profesionale

Organizimi i garave për punë praktike për nxënësit qe kanë bërë punë praktike

Përmirësimi i kushteve momentale dhe krijimi i kabineteve përkatëse për lëndët shkencore qe do ti shërbejnë si punë praktike nxënësve të gjimnazit.

PUNËSIMI

Të përkrahet punësimi sezonal i të rinjve brenda dhe jashtë vendit

Trajnimi i të rinjve për punësim

Të ngritën kapacitetet e zyrës të punësimit

Të organizohen fushata për të drejtat e punëtorëve

Ndërtimi i një baze të dhënave për kërkim të punës dhe punëtorëve

Të hartohen programe për praktik profesionale në institucionet publike

Shëndetësi

— Të formohet një kornizë ligjore dhe një plan strategjik ndër sektoriale

— Të formohet një grup punues që të menaxhoj shëndetin e të rinjve.

— Të organizohen forume publike

— Të forohen shërbime mike në Kerpimeh , Orllan , Bradash dhe Lluzhan

— Të botohen Broshura dhe Postera të temave tabu në komunën tone si : SST , HIV/AIDSi etj.

— 3 Trajnime “I riu per te riun” për 3 vite

— Garë ndër shkollore për dukurit negative

— Ti mbeshtesim për 5 vite radhaz nga 3 projekte per OJQ-te kundër dukurive negative

— Emisione në Radio

— Kampanje promovuele për ushqimet vitaminoze dhe organike

Siguria Njerëzore

· Fushata mediale për vetëdijesimin e të rinjve për ruajtjen e mjedisit

· Çdo vit katër projekte të edukimit joformal në fushën e mjedisit

· Mësimdhënësit e lëndëve edukative mjedisore në të gjitha nivelet të jenë ekologë

· Përkrahja e aktiviteteve vullnetare për mbrojtje dhe pastrim të mjedisit

· Të lehtësohet transporti i të rinjve

· Përkrahja e të rinjve me nevoja të veçanta

· Fushata mediale vetëdijësuse për parandalimin e dhunës familjare dhe seksuale

· Ofrimi i shërbimit këshillimor për viktimat e dhunës familjare

Kultura , sporti dhe rekreacioni

Të mbështeten aktivitetet kulturore, rinore që përdoren si një mjet gjithëpërfshirës dhe fuqizues për pjesëmarrjen e të rinjve.

Të ofrohen sa më shumë informata rreth aktiviteteve nëpërmjet mjeteve mediale të ndryshme.

Të organizohen festivale te ndryshme p.sh. në muajin e rinisë te jetë një festival gjithëpërfshirës në shumë lëmi si : Muzike , sport ,kulture... etj që mund të bëhej edhe si tradite organizimi i një festivali të tillë në vendin tonë.

Të jepen fonde në fusha të ndryshme përkatëse në mënyrë që të promovohen talentet e rinj që mund edhe ta përfaqësonin komunën tonë në vende tjera.

Të sigurohen infrastrukturat e nevojshme për sport dhe vende tjera ku të rinjtë mund të shpreheshin më lirshëm

Të organizohen turnirë të ndryshme në sporte të ndryshme ku gjithashtu mund te zbulohen talente të rinjtë .

Të mbështetën të rinjtë që janë talent në fusha të ndryshme me ane të fondeve të ndryshme.